U CANTON DA GIACUMA
L’era versu seira e doppu tantu girà
me son setà in simma a ina banchenna per ripusà.
Gh’era du vecetti che i parlavena du tempu.
Duman piova de sicuru
in tu canton da Giacuma gh’è propriu scuru.
Du canton da Giacuma n’èva miga mai sentì parlà
e curiusa ina spiegasion ò dumandà.
L’è in modu de dì, che chei, a a gh’à a gente
che u se tramanda da generazion.
Quandu versu a Francia alla seira gh’è scuru
u giurnu doppu piova de sicuru.
Ma i ne m’àn miga savì dì chi l’era a Giacuma
e a mei m’è restà ina grande curiusità.
Pudiva lavurà de fantasia
Ma a ne sarisse miga sta a verità.
A sarà sta ina fata o ina stria?
Ina donna brava o cattiva?
Ve cunfessu che u prublema u m’è restà.
Allura son adré a spettà che qualchedon
Me daga ina spiegazion. Ma intantu adessu
quande u su l’è adré a tramontà
versu u canton da Giacuma me ve da vardà.
VALENTINA SELENE MEDICI
